Sign up with your email address to be the first to know about new blog features & more.

Laroute

By Posted on 0 No tags 0

Mem si mo pa enn chef d’état, moi oussi mo éna enn message pou mo bann compatriote en ce début d’année.
Mo message li adressé sirtou a bann dimounn ki pé prend laroute!
En cette période de fête nou morisien nou kontan manze bann manzé gras, bann manzé épicé, prend enn ti drink. Tousa li occasionne bann problem gastrik, doulerr l’estomac, brulure, inflammation, colique etc.
Dan sa situation la, souvent ou pou trouve morisien prend laroute pou soulage so l’estomac ek empess li gagne diarrhé. Sa li enn zaferr impé dangéreux si ou ena pou voyager, n’importe ki l’heure enn accident kapav arrivé, ou ventre kapav largue ou au milieu chemin.
Mo conseil seki, ou pa kapav dirr morisien arett manzé. So plaisir sa, li kontan chaow chaow. Li kontan oussi pik so larak. Nou pa kapav nonpli dirr li arett prend laroute. Continuer prend ou laroute kouma ou habitié. La rouroute apel sa, ou bouilli impé dilo ou delaye larouroute ou arrowroot, so nom anglais, ou boir li pou soulage ou l’estomac.
Sel conseil mo kapav donn zot, seki kan ou fini prend laroute, fodrer pa roule vite lor chemin pouki ou l’estomac pa emba lahaut. Penser ki ou ventre li touzour fragile. Empliss touletan roule bann chemin kot ena moinse traffic, kot ou kapav bordé si jamais ena enn urgence.
Voila, mo esperé ou pou suive mo conseil pou ki ou ventre kapav tini laroute. Ferr attention kan ou prend laroute sirtou si ou finn boir laroute, pou ki ou napa ferr fausse route.
Il ne me reste plus qu’à vous souhaiter bonne route 

No Comments Yet.

What do you think?

Your email address will not be published. Required fields are marked *